Saturday , December 16 2017
Home / Featured News / पाल्पामा बस पल्टँदा १४ जनाको मृत्यु

पाल्पामा बस पल्टँदा १४ जनाको मृत्यु

पाल्पाको चिदीपानी २ भालुखोलामा बस पल्टिँदा १४ जनाको ज्यान गएको छ । बुधबार राति भएको दुर्घटनामा ७ जना गम्भीर घाइते भएका छन् । पोखराबाट बुटवलका लागि छुटेको लु १ ख ४९२४ नम्बरको बस सिद्धार्थराजमार्गको आर्यभन्ज्याङ नजिक चिदीपानीबाट झण्डै तीनसय मिटर तल भालुखोलामा खसेको हो ।

जिल्ला प्रहरी कार्यालय पाल्पाका अनुसार १२ जनाको घटनास्थलमा र अरु दुई जनाको उपचारका क्रममा ज्यान गएको हो । घाइतेमध्ये चारजनाको युनाइटेड मिसन अस्पतालमा र तीन जनाको लुम्बिनी मेडिकल कलेज प्रभासमा उपचार भैरहेको छ ।

ज्यान जानेमध्ये बसधनी बाग्लुङ भिमगिठेका २८ वर्षीय मोहन केसी, बस चालक मुजुम पाल्पाका रामबहादुर राना, भरतपोखरी १ कास्कीका वुद्धिबहादुर बिक र मोरवाना ९ रुकुमका राजबहादुर गुरुङको मात्र  सनखात भएको छ । चालक निदाएका कारण बस दुर्घटना भएको प्रहरीको अनुमान छ ।

Comment